QHT-lərin aprelin 1-dək vaxtı var
Maliyyə Nazirliyi qeyri-hökumət təşkilatlarına müraciət edib. Bildirilir ki, illik maliyyə hesabatları nazirliyə aprelin 1-dək təqdim olunmalıdır. Maliyyə hesabatları maliyyə vəziyyəti haqqında, maliyyə fəaliyyətinin nəticələri haqqında hesabatları, əhəmiyyətli uçot siyasəti və izahlı qeydləri əhatə edir.
Maliyyə fəaliyyətinin olmaması barədə ayrıca arayış forması var. Təşkilat maliyyə fəaliyyəti olmadığı təqdirdə yalnız həmin formanı dolduraraq Maliyyə Nazirliyinə təqdim etməlidir.
www.qht-hesabat.maliyye.gov.az saytında qeydiyyatdan keçib elektron hesabat təqdim etmək də mümkündür.
“Qeyri-hökumət təşkilatlarının illik maliyyə hesabatının forması, məzmunu və təqdim edilməsi qaydası” Nazirlər Kabinetinin 25 dekabr 2009-cu il qərarı ilə təsdiq edilib (Qayda).
