Nazir ön xəttə baş çəkib
Müdafiə naziri general-polkovnik Zakir Həsənov cəbhənin ön xəttində yerləşən bölmələrdə olub və üzbəüz düşmən mövqelərini müşahidə edib. Fevralın 3-də yayılan rəsmi məlumata görə, ərazidəki əməliyyat şəraiti, bölmələrin hazırlıq vəziyyəti ilə tanış olan nazir şəxsi heyətlə görüşdə hərbi qulluqçuların döyüş və mənəvi-psixoloji hazırlığı, onların sosial-məişət şəraiti ilə maraqlanıb.
Nazir ön xətdə xidmətdə fərqlənən bir qrup hərbi qulluqçuya təşəkkür elan edib və onları ali baş komandanın adından mükafatlandırıb.
