“Kütləvi çıxarış” Qaxa səfər edib
Fevralın 3-də Əmlak Məsələləri Dövlət Komitəsi Qax rayonunda “Kütləvi çıxarış” kampaniyası keçirib. Rəsmi məlumata görə, Qum kəndinin və bir neçə ətraf kəndin 50-yə yaxın sakininə əmlaklarına dair çıxarışlar təqdim olunub. 35-ə yaxın rayon sakinindən isə çıxarış sənədinin hazırlanması üçün əmlaklarına dair ilkin hüquqi sənədlər qəbul edilib.
Komitə bildirir ki, “Kütləvi çıxarış” kampaniyası sosial layihə olduğu üçün ödənişsizdir. İndiyədək Bakının müxtəlif rayonlarında, regionlarda keçirilən belə kampaniyalardan 10 minə yaxın vətəndaş faydalanıb.
