32 manatlıq artım, 89 qəpiklik eniş
Mərkəzi Bank fevralın 3-də 100 ABŞ dollarının banklara satış kursunu 192 manatdan 191 manat 11 qəpiyə endirib. Novator.az bildirir ki, 89 qəpiklik bu eniş 2016-cı il oktyabrın 17-dən sonra ilk ucuzlaşma olub.
Ötən il oktyabrın 17-də rəsmi kurs 159 manat 70 qəpikdən 159 manat 69 qəpiyə düşmüş, bundan sonra qiymət artan xətlə gedib ayın sonuna 163 manat 81 qəpiyə çatmışdı.
Artımlar nəticəsində 100 dollar 2016-cı ilin noyabr ayını 173 manat 18 qəpiklə, dekabrı 177 manat 7 qəpiklə başa vurmuşdu.
2017-ci ildə isə qiymət belə dəyişib:
6 yanvar – 177 manat 42 qəpik
13 yanvar – 178 manat 67 qəpik
17 yanvar – 180 manat 45 qəpik
19 yanvar – 183 manat 11 qəpik
24 yanvar – 185 manat 59 qəpik
26 yanvar – 190 manat 68 qəpik
30 yanvar – 191 manat 65 qəpik
1 fevral – 192 manat
3 fevral – 191 manat 11 qəpik.
Beləliklə, ötən il oktyabrın 17-dən bu il fevralın 1-dək 100 dollar 32 manat 31 qəpik bahalaşıb, fevralın 3-də isə 89 qəpiklik ucuzlaşma qeydə alınıb.
