2017-ci ilin siftəsi: dollar ucuzlaşdı
2017-ci ildə ilk dəfə ABŞ dollarının rəsmi məzənnəsi düşüb. Novator.az-ın məlumatına görə, ötən iki gün 1,92 manata təklif olunmuş dolları Mərkəzi Bank fevralın 3-də 1,9111 manata satır.
Mərkəzi Bankın siyahısındakı digər valyutaların da çoxu ucuzlaşıb. Bir neçə valyuta, o cümlədən Rusiya rublu və türk lirəsi isə dəyərini artırıb.
Fevralın 3-də avro 2,0561, gürcü larisi 0,7085, ingilis funt sterlinqi 2,3929, Rusiya rublu 0,0322, türk lirəsi 0,511 manata təklif edilir.
2015-2016-cı illərdə dolların rəsmi məzənnəsi 0,7844 manatdan 1 manat 77 qəpiyə qalxıb. 2017-ci ilə Mərkəzi Bank 1,7707 manat məzənnədən başlayıb.
