10 min manatı kimlər aldı?
2017-ci ilin prezident mükafatını alan gənclər məlum olub. Ekspert Komissiyasının təklifini nəzərə alan dövlət başçısı İlham Əliyev fevralın 2-də sərəncam imzalayaraq mədəniyyət, elm, təhsil və ictimai fəaliyyət sahələrində xüsusi fərqlənən şəxslərə prezident mükafatı verib. Mükafata Bağırov Emil Oqtay oğlu, İsrayılova Aygün Əlimərdan qızı, Məcidova Məryəm Teymur qızı, Seyidov Mirhəsən Mirheydər oğlu, Suxostat Lyudmila Valentinovna, Vəkilov Vurğun Mehman oğlu layiq bilinib.
Novator.az qeyd edir ki, Gənclər üçün Prezident Mükafatı 2013-cü ildə təsis olunub. Məbləği 10 min manat olan mükafat ildə bir dəfə elm, mədəniyyət, o cümlədən ədəbiyyat və incəsənət, təhsil və ictimai fəaliyyət sahələrində xüsusi fərqlənən 6 gəncə verilir.
Mükafata namizədləri Gənclər və İdman Nazirliyinin yaratdığı Ekspert Komissiyası seçir (Əsasnamə).
