Tramp Putini taxtdan saldı
Rusiyanın “İnterfax” agentliyinin yaratdığı “Xəbərlərin ümumi analizi sistemləri” 2017-ci ilin yanvarında ölkə KİV-lərində adı çox hallanan şəxslərin reytinqini tərtib edib.
Novator.az-ın məlumatına görə, yanvar ayında Rusiya mediasında ən çox ABŞ prezidenti Donald Trampın adı hallanıb. Rusiyanın müxtəlif media qurumlarında yayılan siyasi və iqtisadi-maliyyə yönümlü materiallarda Trampın adı 202 min dəfə çəkilib.
Reytinq cədvəlində ikinci yerdə Rusiya prezidenti Vladimir Putin gəlir. Məlumata görə, son illərdə ilk dəfədir Putinin adı bu növ reytinq siyahılarında ikinci yerə düşür. Yanvar ayında Rusiya mediasında Putinin adı 147 min 700 dəfə hallanıb.
Reytinq siyahısında üçüncü yerdə ABŞ-ın sabiq dövlət başçısı Barak Obama (61 min 155 məlumatda adı çəkilib) yer alır.
Rusiya KİV-lərində adı çox hallanan şəxslərin siyahısında sonrakı sıralama belədir: baş nazir Dmitri Medvedyev (40 min 862 məlumatda adı çəkilib), Ukrayna prezidenti Pyotr Poroşenko (34 min 763), Rusiya prezidentinin mətbuat katibi Dmitri Peskov (27 min 420), ABŞ-da prezident seçkisini uduzmuş Demokratlar Partiyasının namizədi Hillari Klinton (23 min 843), Rusiyanın xarici işlər naziri Sergey Lavrov (16 min 513), Ukraynanın sabiq prezidenti Viktor Yanukoviç (13 min 81), Belarus prezidenti Aleksandr Lukaşenko (12 min 155).
