Tikintidə orta əməkhaqqı 20,4 faiz artıb
2016-cı ildə inşaat sektorunda işçilərin orta siyahı sayı 95,6 min nəfər olub. Dövlət Statistika Komitəsindən AZƏRTAC-a bildirilib ki, bu sahədə orta aylıq əməkhaqqı əvvəlki ilə nisbətən 20,4 faiz artaraq 811,9 manat təşkil edib. İxtisaslaşdırılmış tikinti işlərində işləyənlərin əməkhaqqı 24,3 faiz, binaların tikintisində əməkhaqqı 16,3 faiz, mülki təyinatlı inşaat işlərində çalışanların əməkhaqqı isə 1,0 faiz artıb.
Novator.az xatırladır ki, ötən ilin yanvar-noyabr aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 7 faiz artaraq 494,3 manat olub.
