Silahlı Qüvvələrə Yardım Fondunun vəsaiti açıqlanıb
Müdafiə Nazirliyi Silahlı Qüvvələrə Yardım Fondunun vəsaitini açıqlayıb. Rəsmi məlumata əsasən, 1 fevral 2017-ci ilədək fonda 79,5 milyon manat, 212,7 min ABŞ dolları, 6,2 min avro və 5 min rubl vəsait daxil olub.
Silahlı Qüvvələrə Yardım Fondu prezidentin 17 avqust 2002-ci il fərmanı ilə yaradılıb. Fondun maliyyə mənbəyi Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.
