Ətraf mühitin mühafizəsi: rəsmi hesabat
Ekologiya və Təbii Sərvətlər Nazirliyi bildirir ki, ətraf mühitin mühafizəsini həyata keçirən qurumlar 2016-cı ildə qanun pozuntularına görə 2215 akt və 794 protokol tərtib edib, nöqsanların aradan qaldırılması üçün icrası məcburi olan 641 müddətli göstəriş verib.
Rəsmi hesabata görə, ümumilikdə 773 iş üzrə təqsirkarlar 883730 manat məbləğində cərimə olunub, ətraf mühitə dəyən ziyana görə 413 iş üzrə 585120,7 manat məbləğində iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə qarşı 4989 iş üzrə 1157778,69 manat məbləğində ödəmə tətbiq edilib.
Tədbir görülməsi üçün hüquq mühafizə orqanlarına göndərilən 425 işdən 232-nə, icra qurumlarına göndərilən 434 işdən 215-nə, məhkəmələrə göndərilən 191 işdən 56-na baxılıb. Qalan işlər isə hazırda icraatdadır.
