İqtisadiyyat Nazirliyi il ərzində nə qədər müraciət qəbul edib?
2016-cı ildə İqtisadiyyat Nazirliyinin 195-2 Çağrı Mərkəzinə 17 min 400 müraciət edilib. Müraciətlərin 62%-i Bakı şəhərinin, 38%-i regionların payına düşür. Rəsmi hesabata görə, ümumiyyətlə indiyədək 195-2-yə 62 minə yaxın müraciət olunub.
2016-cı ildə həmçinin 195-2 Çağrı Mərkəzinin səsli menyu xidmətindən 2 minə yaxın vətəndaş yararlanıb. 7 istiqamət üzrə məlumat verən Çağrı Mərkəzinin səsli menyusundan istifadə edənlər daha çox lisenziyaların verilməsi barədə məlumat alıblar.
İqtisadiyyat Nazirliyinin 195-2 Çağrı Mərkəzinin xidmətlərindən istifadə üçün bütün telefonlardan heç bir koddan istifadə etmədən 195 nömrəsinə zəng vurub 2 düyməsini yığmaqla nazirliyin səlahiyyətlərinə dair məsələlərlə bağlı müraciət etmək və səsli menyunun köməyi ilə müvafiq məlumatlar əldə etmək olar. Stasionar nömrələrdən 195-2-yə zənglər və Çağrı Mərkəzində göstərilən bütün xidmətlər ödənişsizdir.
