Alman diplomatiyasında yeni şef
Almaniya prezidenti Yoahim Qauk yanvarın 27-də Frank-Valter Ştaynmayeri xarici işlər naziri vəzifəsindən azad edib. Novator.az-ın məlumatına görə, Yoahim Qauk sərəncamı kansler Angela Merkelin təqdimatı əsasında imzalayıb.
Xarici işlər nazir kürsüsünə Sosial Demokrat Partiyasının sədri Ziqmar Qabriel gətirilib.
Ştaynmayer bu həftə istefa verib. O, prezidentliyə namizəd olacaq.
1959-cu ildə anadan olan Ziqmar Qabriel 2009-cu ildən Sosial Demokrat Partiyasının sədridir. 2005-2009-cu illərdə ətraf mühiti, təbiəti mühafizə və nüvə təhlükəsizliyi naziri olub. 2013-cü ildən iqtisadiyyat və energetika naziri, eyni zamanda kanslerin müavini idi.
