Ailə üzvünü döyməyə görə cəza yüngülləşdi
Rusiya parlamentinin aşağı palatası – Dövlət Duması yanvarın 27-də ailə üzvlərini döyənlərin cinayət məsuliyyətinə cəlb olunmasını nəzərdə tutan müddəaya dəyişiklik edib. Novator.az-ın məlumatına görə, qanun layihəsi üçüncü – sonuncu oxunuşdan keçib.
Yenilik Cinayət Məcəlləsinin 116-cı maddəsini yüngülləşdirir. Həmin maddəyə görə, ailə üzvlərini döyən şəxs icbari iş, azadlığın məhdudlaşdırılması, həbs cəzası ala bilər. Dövlət Dumasında son oxunuşdan keçən yeni layihə ailə üzvünə və digər yaxın adamına yalnız təkrar güc tətbiq edən şəxsin cinayət məsuliyyətinə cəlb olunmasına icazə verir.
