9 QHT-nin hesabından həbs götürülüb
Qeyri-Hökumət Təşkilatlarına Dövlət Dəstəyi Şurası yanvarın 27-si Bakıda, “JW Marriott Abşeron” hotelində 2016-cı ilin yekunlarına həsr olunmuş hesabat konfransı keçirib. Konfransda çıxış edən qurumun sədri Azay Quliyev deyib ki, ötən il şura 556 qeyri-hökumət təşkilatının layihəsini maliyyələşdirib.
Bir çox QHT-nin üzləşdiyi problemlərlə əlaqədar hökumətlə dialoqda olduqlarını deyən şura sədri vurğulayıb ki, 9 QHT-nin hesabından həbs götürülüb, 8 QHT-yə qarşı açılmış cinayət işi və yaxud vergi orqanlarının başladığı istintaq əməliyyat işlərinə son qoyulub, 1 QHT haqqında başlanmış cinayət işi isə dayandırılıb: “Eyni zamanda onlarla QHT nümayəndəsinə sərhəd keçid məntəqələrində tətbiq edilən məhdudiyyət və yaxud yoxlamalar aradan qaldırılıb. 15 QHT-nin qeydiyyat problemi öz həllini tapıb”.
Xəbəri APA yayıb.
