Trampın ağsaqqallığı
ABŞ-ın yeni prezidenti Donald Trampın 70 yaşı var. Novator.az bildirir ki, Tramp nəhəng dövlətlərin liderləri arasında ən yaşlı şəxsdir.
Çin Xalq Respublikasının sədri Si Cinpinin 63 yaşı var.
Böyük Britaniyanın baş naziri Tereza Meyin 61 yaşı tamam olub. İspaniyanın baş naziri Mariano Rahoy da 61 yaşdadır.
Almaniya kansleri Angela Merkellə Fransa prezidenti Fransua Oland yaşıddırlar: 62 yaş. Türkiyə prezidenti Rəcəb Teyyub Ərdoğanın, İtaliyanın baş naziri Paolo Centiloni və Yaponiyanın baş naziri Sindzo Abenin də 62 yaşı var.
Rusiya prezidenti Vladimir Putin 64 yaşı arxada qoyub.
Kanadanın baş naziri Castin Tryudonun 45 yaşı var.
İranın prezidenti Həsən Ruhani 68, İsrailin baş naziri Benyamin Netanyahu 67 yaşı geridə qoyublar.
Keçmiş sovet respublikaları içərisində ən yaşlı prezident Qazaxıstana başçılıq edir. Nursultan Nazarbayevin 76 yaşı var. Tacikistanın dövlət başçısı İmaməli Rəhman 64 yaşındadır.
Belarus və Ermənistan prezidentləri həmyaşıddır, Aleksandr Lukaşenko və Serj Sərkisyanın 62 yaşı var.
Qırğızıstan prezidenti Almazbek Atambayev 60 yaşındadır.
Özbəkistanla Türkmənistanın prezidentləri Şövkət Mirziyayev və Qurbanqulu Berdiməhəmmədovun 59 yaşları var.
Azərbaycan prezidenti İlham Əliyev 55 yaşındadır.
Keçmiş sovet məkanında ən cavan liderlərdən biri Moldova prezidentidir. İqor Dodonun 41 yaşı var. Gürcüstan prezidenti Georgi Margvelaşvili 47, Ukrayna prezidenti Pyotr Poroşenko 51 yaşdadır.
