“Kütləvi çıxarış”dan 10 minə yaxın şəxs faydalanıb
Əmlak Məsələləri Dövlət Komitəsi Ağdaşda “Kütləvi çıxarış” kampaniyası keçirib. Yanvarın 26-da yayılan rəsmi məlumata görə, bir neçə kənddə baş tutan kampaniyada komitənin mobil ofisləri birbaşa həyətlərdə əmlak üzərində mülkiyyət hüququnu təsdiq edən çıxarışları əmlak sahiblərinə təqdim edilib. Komitənin xüsusi nəqliyyat vasitələrində 60 rayon sakininə hazır çıxarışlar verilib. Eyni zamanda 30 sakindən onların mülkiyyətinə dair ilkin sənədlər qəbul edilib.
“Kütləvi çıxarış” kampaniyası ötən il 28 şəhər və rayonda keçirilib. “Kütləvi çıxarış”a start verildiyi tarixdən indiyədək 10 minə yaxın şəxs kampaniyadan faydalanıb.
