Danimarka parlamenti qondarma erməni soyqırımını tanıdı
Yanvarın 26-da Danimarka parlamenti qondarma erməni soyqırımını tanıyan qətnamə qəbul edib.
Novator.az-ın məlumatına görə, erməni diasporunun təşəbbüsləri ilə gündəmə gələn layihə parlamentə 3 partiyadan təqdim olunub.
Layihəyə 89 deputat tərəfdar çıxıb. 9 nəfər layihənin əleyhinə səs verib, 11 nəfər bitərəf qalıb.
Saxta soyqırımı iddialarına görə, 1915-ci il aprelin 24-dən başlayaraq 1923-cü ilə kimi Türkiyədə 1 milyon 500 min nəfər erməni öldürülüb. Bu iddiaları indiyədək onlarca ölkə (Fransa, İtaliya, İsveçrə, Avstriya, Niderland, Belçika, Yunanıstan, Kipr, Polşa, Litva, Rusiya, Kanada, Uruqvay, Braziliya, Argentina, Çili, Vatikan və s.), Avropa Parlamenti rəsmən tanıyıb.
