Floranın mühafizəsi: pozuntular barədə hesabat
Ekologiya və Təbii Sərvətlər Nazirliyi floranın mühafizəsi üzrə 2016-cı il yoxlamaları ilə bağlı hesabat açıqlayıb. Rəsmi məlumatda qeyd olunur ki, meşə ehtiyatlarının mühafizəsi üzrə yol verilmiş qanun pozuntularına görə 207 akt və 28 protokol tərtib olunub, müəyyən edilən nöqsanların aradan qaldırılması üçün 4 müddətli məcburi göstəriş verilib. Hüquqi və fiziki şəxslərə qarşı ümumilikdə 24 iş üzrə 14450 manat məbləğində cərimə tətbiq edilib, ətraf mühitə dəyən ziyanla bağlı 84 iş üzrə 6901,1 manat məbləğində iddia qaldırılıb.
Tədbir görülməsi üçün hüquq mühafizə orqanlarına göndərilən 3 işdən 1-nə, icra qurumlarına göndərilmiş 11 iş və əvvəlki illərdən qalan 1 iş də daxil olmaqla 12 işə baxılaraq müvafiq tədbirlər görülüb. 2 iş icraatdadır.
Yaşıllıqların mühafizəsi üzrə yol verilmiş qanun pozuntularına görə 776 akt və 171 protokol tərtib olunub, müəyyən edilən nöqsanların aradan qaldırılması üçün 51 müddətli məcburi göstəriş verilib. Hüquqi və fiziki şəxslərə qarşı ümumilikdə 184 iş üzrə 355400 manat məbləğində cərimə tətbiq edilib, ətraf mühitə dəyən ziyanla bağlı 99 iş üzrə 35289,22 manat məbləğində iddia qaldırılıb.
Tədbir görülməsi üçün hüquq mühafizə orqanlarına göndərilən 224 işdən 102-nə, icra qurumlarına göndərilən 111 işdən 69-na və məhkəmələrə göndərilən 30 işdən 14-nə baxılaraq müvafiq tədbir görülüb. Qalan işlər isə hazırda icraatdadır.
