Xocalı soyqırımını tanıyanlar
2017-ci ildə Xocalı soyqırımının 25 ili tamam olur.
1992-ci il fevralın 26-da erməni silahlı qüvvələri Azərbaycanın Xocalı şəhərini işğal edərək 613 dinc sakini, o cümlədən 63 uşağı, 106 qadını və 70 qocanı qətlə yetirib.
Novator.az bildirir ki, Xocalı qırğınını indiyədək 12 dövlət – Meksika (8 dekabr 2011), Pakistan (1 fevral 2012), Kolumbiya (22 aprel 2012), Çex Respublikası (7 fevral 2013), Rumıniya (12 fevral 2013), Bosniya və Herseqovina (26 fevral 2013), Peru (10 iyun 2013), İordaniya (19 iyun 2013), Panama (7 avqust 2013), Honduras (17 yanvar 2014), Sudan (1 sentyabr 2014), Cibuti (23 yanvar 2017) soyqırımı kimi tanıyıb.
ABŞ-ın hər biri ayrıca dövlət sayılan ştatlarından 21-i Xocalıda törədilən qırğının soyqırımı olduğunu bəyan edib.
İslam Əməkdaşlıq Təşkilatının Xarici İşlər Nazirləri Şurası 17 noyabr 2012-ci ildə, qurumun Zirvə Konfransı isə 7 fevral 2013-cü ildə Xocalı faciəsini soyqırımı kimi tanıyıb.
Ermənistanın 1988-ci ildən Azərbaycana başlayan hərbi təcavüzü nəticəsində Dağlıq Qarabağ bölgəsi (Ağdərə, Xocavənd, Xankəndi, Xocalı, Şuşa) və onun həndəvərindəki 7 rayon (Laçın, Kəlbəcər, Zəngilan, Qubadlı, Cəbrayıl, Ağdam, Füzuli) zəbt edilib.
