Su ehtiyatlarının mühafizəsi üzrə cəzalar
Ekologiya və Təbii Sərvətlər Nazirliyi su ehtiyatlarının mühafizəsi üzrə 2016-cı il araşdırmalarının nəticələrini açıqlayıb. Hesabatda qeyd olunur ki, hüquqi və fiziki şəxslərin yol verdiyi qanun pozuntularına görə 191 akt və 104 protokol tərtib olunub, müəyyən edilən nöqsanların aradan qaldırılması üçün icrası məcburi olan 208 müddətli verilib.
104 iş üzrə 91610 manat məbləğində cərimə, 873 iş üzrə 432697,5 manat məbləğində ödəmə tətbiq edilib, ətraf mühitə dəyən ziyana görə 2 iş üzrə 5206,48 manat məbləğində iddia qaldırılıb.
Hüquq mühafizə orqanlarına göndərilən 12 işdən 1-nə, icra qurumlarına göndərilən 56 işdən 24-nə və məhkəmələrə göndərilən 12 işdən 2-nə baxılaraq müvafiq tədbirlər görülüb. 53 iş isə hazırda icraatdadır.
