ATƏT rəsmisi müdafiə nazirinə vəd verdi
Müdafiə naziri general-polkovnik Zakir Həsənov prezident İlham Əliyevin tapşırığına əsasən ATƏT-in fəaliyyətdə olan sədrinin şəxsi nümayəndəsi səfir Anjey Kasprşiklə görüşüb.
Rəsmi məlumata görə, yanvarın 23-də keçirilən görüşdə qoşunların qarşıdurma xəttində son vəziyyət və atəşkəs rejiminin pozulması halları müzakirə olunub. Müdafiə naziri keçən il dekabrın 29-da dövlət sərhədində düşmən təxribatının qarşısı alınarkən şəhid olmuş əsgər Qurbanov Çingiz Salman oğlunun nəşinin geri qaytarılması ilə bağlı konkret və daha ciddi tədbirlərin görülməsinin zəruriliyini diqqətə çatdırıb. Səfir Kasprşik qısa müddət ərzində bu istiqamətdə əlavə tədbirlərin görüləcəyinə və məsələnin tezliklə həll olunacağına əminliyini bildirib.
