Pedro Aqramunt yenidən AŞPA sədri seçilib
İspaniyalı deputat Pedro Aqramunt yanvarın 23-də Avropa Şurası Parlament Assambleyasının plenar iclasında yenidən qurumun sədri seçilib.
Novator.az bildirir ki, Pedro Aqramunt 1951-ci il dekabrın 9-da Valensiyada anadan olub. Hüquqşünasdır. İspaniya parlamentinə ilk dəfə 1991-ci ildə seçilib. 2000-ci ildən Avropa Şurası Parlament Assambleyasının üzvüdür. 2010-2015-ci illərdə Avropa Şurasının Azərbaycan üzrə məruzəçilərindən biri olub.
Avropa Xalq Partiyasının nümayəndəsi olan Pedro Aqramunt ötən il yanvarın 25-də Avropa Şurası Parlament Assambleyasının sədri seçilmişdi.
