Dolların məzənnəsində kəskin artım
Yanvarın 19-u ABŞ dollarının rəsmi məzənnəsində kəskin dəyişiklik olub. Novator.az-ın məlumatına görə, Mərkəzi Bank kursu 1,8045 manatdan 1,8311 manata qaldırıb. Bu, iki ildir davam edən devalvasiya boyunca qeydə alınmış ən yüksək qiymətdir (2015-ci ilin əvvəlində rəsmi məzənnə 0,7844 manat idi. Həmin il kurs 1 manat 55 qəpiyə yüksəlib, 2016-cı ildə isə 1 manat 77 qəpiyi ötüb).
Mərkəzi Bank digər valyutaları, o cümlədən avro və Rusiya rublunu da bahalaşdırıb. Avronun rəsmi kursu 1,9483 manat müəyyən edilib. Yanvarın 18-də məzənnə 1,9302 manat idi. Ötən gün 0,0304 manata satılmış rubl isə 0,0308 manata təklif olunur (Məzənnələr).
