İllik hesabat: ixrac idxalı 610,8 milyon dollar üstələyib
Azərbaycanın 2016-cı il üzrə xarici ticarət göstəriciləri açıqlanıb. Novator.az-ın məlumatına görə, Dövlət Gömrük Komitəsi bildirir ki, 2016-cı ildə xarici ticarətin həcmi 2015-ci illə müqayisədə 19,46% azalaraq 17 milyard 675,7 milyon dollar olub.
2015-ci illə müqayisədə idxal əməliyyatlarında 7,42%, ixrac əməliyyatlarında 28,17% geriləmə var. İxrac (9 milyard 143,2 milyon dollar) idxalı (8 milyard 532,4 milyon dollar) 610,8 milyon dollar üstələyib.
Rəsmi hesabata əsasən, 2016-cı ildə 186 ölkə ilə ticarət əməliyyatları aparılıb. İl ərzində Gömrük Komitəsinin xətti ilə dövlət büdcəsinə 2 milyard 291,5 milyon manat daxil olub.
