Dövlət komitəsi yeni hərrac keçirib
Əmlak Məsələləri Dövlət Komitəsi yanvarın 17-də növbəti hərrac keçirib. Rəsmi məlumata görə, hərracda özəlləşdirilmiş qeyri-yaşayış sahələrinin 6-sı paytaxtın Səbail, Nizami və Xətai rayonlarında yerləşir. Bu obyektlərin sahəsi 15-80 kvadratmetr arasında dəyişir.
Hərracda 55 min manata özəlləşdirilmiş istehsalat binasının yarımçıq tikilisi Göygöl rayonunda yerləşir.
Regionlarda satılan əmlaklar sırasında 3 yanacaqdoldurma məntəqəsi də olub: biri Şəkidə, ikisi Tovuzda. Bu məntəqələr torpaq sahəsi ilə birlikdə özəlləşdirilib.
Ötən il dövlət başçısının fərmanı və Nazirlər Kabinetinin qərarı ilə ümumilikdə 352 yeni dövlət müəssisə və obyekti özəlləşməyə açılıb.
