Azərbaycanın əsas ticarət tərəfdaşları
2016-cı ildə Azərbaycanın əsas xarici ticarət tərəfdaşı Türkiyə olub. Novator.az-ın məlumatına görə, Dövlət Gömrük Komitəsi bildirir ki, Türkiyə ilə ticarətin həcmi ümumi dövriyyənin (Hesabat) 13,09 faizini təşkil edib.
Rusiya 11,6 faizlə ikinci, İtaliya 10,7 faizlə üçüncü ölkədir.
İxracda əsas ölkələrin siyahısına 17,06 faizlə İtaliya başçılıq edir. Türkiyə ikinci (12,39 faiz), Çinin əyaləti Tayvan üçüncüdür (8,72 faiz).
İl ərzində idxalda əsas ölkələrin ilk üçlüyü belə olub: Rusiya (19,24 faiz), Türkiyə (13,85 faiz), Çin (8,25 faiz).
2016-cı ildə MDB ölkələrinə ixrac 2015-ci illə müqayisədə 26,07 faiz artıb. Avropa İttifaqı ölkələrinə ixrac 41,47 faiz azalıb. Digər ölkələrə ixrac ötən illə müqayisədə 16,94 faiz aşağı düşüb.
MDB ölkələrindən idxal 2015-ci illə müqayisədə 10,23 faiz artıb. Avropa İttifaqından idxalda 24,5 faiz, digər ölkələrdən idxalda 3,8 faiz azalma olub.
