Xarici ticarət statistikası açıqlanıb
2016-cı ilin yanvar-noyabr aylarında Azərbaycanın hüquqi və fiziki şəxsləri dünyanın 183 ölkəsindəki tərəfdaşları ilə ticarət əməliyyatları həyata keçirib, 114 ölkəyə məhsul ixrac olunub, 173 ölkədən məhsul alınıb. Hesabatı Dövlət Statistika Komitəsi yayıb.
Ticarət dövriyyəsinin 36,8 faizi Avropa İttifaqı ölkələri, 12,5 faizi MDB ölkələrinin, 50,7 faizi isə digər ölkələrin payına düşüb.
Novator.az-ın məlumatına görə, hesabatda bildirilir ki, ötən ilin 11 ayında xarici ticarət dövriyyəsi 19 milyard 606,2 milyon ABŞ dolları olub. İxracın dəyəri 11 milyard 889,5 milyon dollar, idxalın dəyəri 7 milyard 716,7 milyon dollar təşkil edib, 4 milyard 172,8 milyon dollarlıq müsbət ticarət saldosu yaranıb.
2016-cı ilin yanvar-noyabr aylarında 1 milyard 117,7 milyon dollar dəyərində qeyri-neft məhsulları ixrac edilib, bu da 2015-ci ilin eyni dövrünə nisbətən real ifadədə 17,8 faiz azdır.
