Rəsmilərin Azərbaycana səfər statistikası
Rəsmi dövlət qəzeti “Azərbaycan” 2016-cı ildə ölkəyə səfər etmiş yüksək nümayəndə heyətləri ilə bağlı statistika açıqlayıb. Novator.az bildirir ki, hesabata görə, 2016-cı ildə Azərbaycana 15 dövlət başçısı, 13 baş nazir və spiker, 42 ölkənin yüksək rəsmisi, 26 beynəlxalq təşkilatın təmsilçisi səfər edib.
Prezident İlham Əliyevin ötən il ölkəyə səfər edən Türkiyə, Rusiya, Ukrayna, İran, Monteneqro, Bolqarıstan, Gürcüstan, Xorvatiya, Belarus, Makedoniya, Venesuela, Albaniya, Malta prezidentləri, Qətər əmiri, Roma papası ilə görüşüb.
Türkiyə, Rusiya, Pakistan, Macarıstan, Gürcüstan, İsrail baş nazirləri, Türkiyə, Qazaxıstan, Qırğızıstan, Belarus, Latviya, Belarusun ali qanunverici orqanlarının rəhbərləri Azərbaycana səfər edib.
İspaniya, Yunanıstan, İtaliya, İsveçrə, Cənubi Afrika Respublikası, Birləşmiş Ərəb Əmirlikləri, Bosniya və Herseqovina, Serbiya və başqa ölkələrdən ali qonaqlar 2016-cı ildə Azərbaycana baş çəkiblər.
Azərbaycana səfər edənlər arasında BMT, NATO, AŞPA, ATƏT, İƏT, Avropa İttifaqı, Avropa Parlamenti, Afrika İttifaqı və başqa beynəlxalq təşkilatların rəhbərləri də olub.
Rəsmi dövlət qəzeti onu da qeyd edir ki, Azərbaycanın xarici ölkələrdə 59 səfirliyi, 9 konsulluğu, 5 nümayəndəliyi fəaliyyət göstərir.
