Qırğızıstanda matəm elan olundu
Qırğızıstan prezidenti Almazbek Atambayev yanvarın 17-ni ölkədə matəm günü elan edib. Novator.az-ın məlumatına görə, yanvarın 16-da imzalanan sərəncam ölkədə və xaricdəki diplomatik təmsilçiliklərdə dövlət bayraqlarının endirilməsini nəzərdə tutur. Mədəniyyət qurumları və teleradio şirkətlərinə əyləncəli proqramları təxirə salmaq tövsiyə olunub.
Türkiyənin ACT firmasına məxsus “Boinq 747-400” yük təyyarəsi yanvarın 16-da Qırğızıstan paytaxtı Bişkekin “Manas” aeroportu yaxınlığındakı qəsəbədə yerə düşüb. Faciədə 37 nəfərin həlak olduğu bildirilir. Onların çoxu qəsəbə sakinləridir.
