Peşə hazırlığı və əlavə təhsil kursları: nazirlik ilə necə yekun vurub?
Əmək və Əhalinin Sosial Müdafiəsi Nazirliyi ötən il 3702 nəfəri əmək bazarında tələb olunan peşələr üzrə peşə hazırlığı və əlavə təhsil kurslarına cəlb edib. Rəsmi məlumata görə, 3352 nəfər, o cümlədən 143 nəfər əlilliyi olan şəxs üçün Dövlət Məşğulluq Xidmətinin xətti ilə peşə hazırlığı və əlavə təhsil kursları təşkil olunub.
Nazirliyin 1 saylı Sağlamlıq İmkanları Məhdud Gənclərin Peşə Reabilitasiya Mərkəzinin peşə hazırlığı kurslarına cəlb etdiyi gənclərin sayı isə 350 nəfər təşkil edib. Ümumilikdə 2016-cı ildə peşə hazırlığı və əlavə təhsil kurslarına cəlb edilən 3702 nəfərin 493 nəfəri (13,3 faiz) əlilliyi olan şəxslər olub.
Böyük əksəriyyəti orta ümumtəhsil məktəblərinin yuxarı sinif şagirdi olan 117 244 nəfər gəncə peşəyönümü məsləhətləri verilib.
