Hərbi qulluqçu ölümündən sonra təltif edilib
Azərbaycan Silahlı Qüvvələrinin müddətdən artıq hərbi qulluqçusu Fikrət Bəşirov şəhid olub. Xəbəri Müdafiə Nazirliyinin mətbuat xidməti yanvarın 15-də yayıb.
Hərbi qulluqçunun Dağlıq Qarabağda ermənilərin atəşkəsi pozmasına cavab tədbirləri görülərkən düşmən atəşindən həlak olduğu bildirilir. Şəhid müdafiə naziri general-polkovnik Zakir Həsənovun əmri ilə ölümündən sonra “Hərbi xidmətdə fərqlənməyə görə” 3-cü dərəcəli medalla təltif olunub.
Fikrət Bəşirov yanvarın 15-i Astaranın Şahağacı kəndində dəfn edilib.
