Faiq Əmirlinin şikayətinə baxılıb
Yanvarın 16-da Bakı Apellyasiya Məhkəməsində AXCP sədrinin köməkçisi, “Azadlıq” qəzetinin maliyyə direktoru Faiq Əmirlinin şikayətinə baxılıb.
Vəkil Aqil Layıcov “Amerikanın Səsi”nə deyib ki, proses hakim Faiq Qasımovun sədrliyi ilə keçirilib, Faiq Əmirlinin apellyasiya şikayəti təmin edilməyib.
Apellyasiya şikayətində həbs müddətinin uzadılmasının qanunsuz olduğu, həmin qərarın ləğvi, Faiq Əmirlinin məhkəməyə qədər azadlığa buraxılması istənilirdi.
Faiq Əmirli ötən il avqustun 20-də Bakıda tutulub. İstintaq onu ABŞ-da yaşayan türkiyəli ilahiyyatçı Fətullah Gülənin rəhbərlik etdiyi “Hizmət hərəkatı”nın nümayəndəsi kimi təqdim edir, dini düşmənçiliyin salınması, dini məzhəbləri yaymaq adı altında vətəndaşların hüquqlarını pozan qrup təşkil etməkdə günahlandırır.
