Elgiz Qəhrəmana hökm oxundu
Hazırda həbsdə olan NİDA Vətəndaş Hərəkatı İdarə Heyətinin üzvü Elgiz Qəhrəmanın işi üzrə məhkəmə prosesi yekunlaşıb.
Yanvarın 16-da Bakı Ağır Cinayətlər Məhkəməsində hakim Azad Məcidovun sədrliyi ilə keçirilən prosesdə Elgiz Qəhrəman 5 il 6 ay müddətinə azadlıqdan məhrum edilib.
“Azadlıq” radiosunun məlumatına görə, Elgiz Qəhrəman hökmdən öncə son sözlə sıxış edib, bəraət istəyib.
Məhkəmə zalında “Elgiz başqan” şüarı səsləndirilib.
Elgiz Qəhrəman Cinayət Məcəlləsinin 234.4.3-cü maddəsi (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) ilə təqsirli bilinib.
Gənc fəal özü və NİDA Vətəndaş Hərəkatı ittihamları rədd edir, həbsin siyasi xarakterli olduğunu bildirir.
Elgiz Qəhrəman ötən ilin avqust ayından həbsdədir.
