Sərhəd pozuntuları barədə yeni açıqlama
2016-cı ilin dekabr ayı ərzində dövlət sərhədini pozan 58 nəfər saxlanıb. Onların 23 nəfəri Azərbaycan, 7 nəfəri Qana, 6 nəfəri Özbəkistan, 6 nəfəri Nigeriya, 5 nəfəri İran, 3 nəfəri Banqladeş, 2 nəfəri Ukrayna, qalanları Qazaxıstan, Rusiya, Türkiyə, Tacikistan, Kamerun, Qırğızıstan vətəndaşıdır. Novator.az-ın məlumatına görə, yanvarın 13-də Dövlət Sərhəd Xidmətinin mətbuat mərkəzi belə hesabat yayıb.
Hesabata əsasən, sərhəd rejimini pozarkən yaşıl sərhəddə 19 nəfər, Xəzər dənizində 13 nəfər, nəzarət məntəqələrində 659 nəfər saxlanıb, onların barəsində müvafiq tədbirlər görülüb.
Azərbaycanın hüquq mühafizə orqanlarının axtardığı 373 nəfər aşkarlanaraq aidiyyəti orqanlara təhvil verilib.
12 kiloqram 460,4 qram narkotik maddə aşkar edilərək götürülüb. Ümumi dəyəri təqribən 919 min 390 manat olan qaçaqmal saxlanıb.
