Orta əməkhaqqı 500 manata yaxınlaşır
Yanvarın 13-də Dövlət Statistika Komitəsi yeni hesabat yayıb. Novator.az-ın məlumatına görə, bildirilir ki, 2016-cı il dekabrın 1-nə ölkə iqtisadiyyatında muzdla çalışan işçilərin sayı 1 milyon 514,4 min nəfər olub. Onların 889,5 min nəfər iqtisadiyyatın dövlət sektorunda, 624,9 min nəfər isə qeyri-dövlət sektorunda fəaliyyət göstərib.
Ötən ilin yanvar-noyabr aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 7 faiz artaraq 494,3 manat olub.
