Yeni hərrac, yeni qiymət
Yanvarın 12-si Mərkəzi Bankda Dövlət Neft Fondunun da iştirakı ilə yeni formatda hərrac keçirilib. Rəsmi məlumata görə, hərrac birtərəfli valyuta satışı formasında və rəqabətli qaydada baş tutub və sifarişlər ən yüksək qiymətdən ən aşağı qiymətə doğru təmin edilib. Hərracda manatın orta çəkili məzənnəsi 1,7867 səviyyəsində formalaşıb.
2015-ci ildə dolların rəsmi kursu 78 qəpikdən 1 manat 55 qəpiyə yüksəlib, 2016-cı ildə isə 1 manat 77 qəpiyi ötüb. Hazırda Mərkəzi Bank ABŞ dollarını 1,7742 manata satır.
