DSMF-də nə qədər əcnəbi qeydiyyata düşüb?
2016-cı ildə Dövlət Sosial Müdafiə Fondunda fərdi hesabı açılan əcnəbilərin sayı əvvəlki illə müqayisədə 13,9 faiz və ya 744 nəfər çox olub. Əmək və Əhalinin Sosial Müdafiəsi Nazirliyi bildirir ki, fərdi uçot sistemində qeydiyyatda olan əcnəbilərin sayı ötən il 6 min 78 nəfər artaraq 33 min 940 nəfərə çatıb.
Fərdi uçot sistemində ümumilikdə 124 ölkəyə aid əcnəbi şəxs qeydiyyatdadır. Onların arasında Тürkiyə (15 min 686 nəfər), Gürcüstan (3 min 285 nəfər) Rusiya (1964) vətəndaşları çoxluq təşkil edir. Sistemdə qeydiyyatda olan əcnəbilərin 61,7 faizi bu üç ölkənin payına düşür.
Fərdi hesabı olanlar arasında Özbəkistan (1817), Hindistan (1454), İran (1054), Çin (927), Banqladeş (880), Pakistan (720), Böyük Britaniya (683), Ukrayna (565), Türkmənistan (330), Filippin (309), ABŞ (297), Almaniya (273), Qazaxıstan (258), İtaliya (222) vətəndaşları da var.
