Prezident İran səfirliyinə baş çəkib
Prezident İlham Əliyev yanvarın 10-da İranın Azərbaycandakı səfirliyinə baş çəkib. AZƏRTAC xəbər verir ki, dövlət başçısı İranın keçmiş prezidenti Haşimi Rəfsəncaninin vəfatı ilə əlaqədar başsağlığı verib, matəm kitabına ürək sözlərini yazıb.
Haşimi Rəfsəncani yanvarın 8-də 82 yaşında vəfat edib. Haşimi Rəfsəncani 1979-cu ilin fevralında baş vermiş islam inqilabının əsas ideoloqlarından idi.
İran prezidenti postunu 1989-1997-ci illərdə tutmuş Haşimi Rəfsəncani 1980-1989-cu illərdə parlamentin sədri postunda çalışıb. Bir müddət dövlət başçısını – dini rəhbəri seçən Üləmalar Məclisinə başçılıq edib, ölümünə qədər isə Sistemin Məsləhətini Müəyyənləşdirən Qurumun sədri olub.
Haşimi Rəfsəncani yanvarın 10-u Tehranda, İmam Xomeyni məqbərəsində dəfn edilib.
