FİFA Şurası dünya çempionatının formatı barədə qərar verdi
Yanvarın 10-u İsveçrənin Sürix şəhərində iclas keçirən FİFA Şurası dünya futbol çempionatının formatında dəyişikliyi qəbul edib. Novator.az-ın məlumatına görə, 2026-cı ildən dünya çempionatının final mərhələsini 48 milli komanda ilə keçirmək qərarı çıxarılıb.
Avropaya 16, Afrikaya 9, Asiyaya 8, Cənubi Amerikaya 6, Şimali və Mərkəzi Amerikaya 6, Okeaniyaya 1 yer veriləcək, qalan 2 vəsiqənin sahibi Afrika, Asiya, Cənubi Amerika, Şimali və Mərkəzi Amerika təmsilçiləri arasında əlavə oyunlarda müəyyənləşəcək. Dünya çempionatında 48 komanda hər birində 3 komanda olan 16 qrupa bölünəcək. Qruplarda ilk iki yeri tutan komandalar 1/16 finala yüksələcək.
1998-ci ildən dünya çempionatının final raundu 32 komandanın iştirakı ilə keçirilir.
