Dövlət Əmək Müfəttişliyi 30 nəfəri işə bərpa etdirib
Əmək və Əhalinin Sosial Müdafiəsi Nazirliyi yeni hesabat yayıb. Qeyd olunur ki, ötən il Dövlət Əmək Müfəttişliyi Xidməti vətəndaşların müraciətləri əsasında həyata keçirdiyi tədbirlər nəticəsində ümumilikdə 928 995 manat məbləğində gecikdirilmiş sosial xarakterli ödənişlərin işçilərə ödənilməsi təmin edib. Həmin məbləğin 85,8 faizi gecikdirilmiş əmək haqları, 12,1 faizi sosial müavinət və kompensasiyalar, qalan hissəsi zərərə görə ödənclər olub.
Bir sıra vətəndaş müraciətində isə ayrı-ayrı şəxslərin işdən qeyri-qanuni şəkildə azad edildikləri ifadə olunub. Belə müraciətlərin araşdırılması zamanı 30 nəfər işçi ilə əmək müqaviləsinə qeyri-qanuni şəkildə xitam verildiyi aşkar edilib və görülən tədbirlər nəticəsində həmin vətəndaşlar iş yerlərinə bərpa olunublar.
