DSMF qeydiyyat hesabatı verib
Əmək və Əhalinin Sosial Müdafiəsi Nazirliyi bildirir ki, 2016-cı ildə 191 min 754 nəfərə, o cümlədən ötən ilin dekabr ayında 18 min 925 nəfərə fərdi şəxsi hesab açılıb. Bununla da fərdi uçot sisteminin əhatə etdiyi vətəndaşların sayı 2017-ci il yanvarın 1-nə 3 milyon 371 min 908 nəfərə çatıb.
Nazirlik bildirir ki, sistemdə qeydiyyata alınan şəxslərin 25,6 faizi (864 min 632 nəfər) 30-40 yaş aralığındadır. Qeydiyyatda olan sığorta olunanların 20 faizi (674 min 900 nəfər) 30 yaşa qədər, 19,9 faizi (673 min 431 nəfər) 40-50 yaş, 21 faizi (708 min 295 nəfər) 50-60 yaş aralığında, qalan hissəsi 60 yaşdan yuxarı vətəndaşlardır.
