Rəsmi kurslar dəyişdi
Mərkəzi Bank yanvarın 6-da ABŞ dollarının məzənnəsini 1,7742 manata qaldırıb. Ötən il dekabrın 30-dan rəsmi kurs 1,7707 manat idi.
Başqa valyutalarda da bahalaşma var. Novator.az-ın məlumatına görə, avro 1,8638 manatdan 1,8773 manata, Rusiya rublu 0,0293 manatdan 0,0299 manata yüksəlib.
Gürcü larisi 0,6447 manata, ingilis funt sterlinqi 2,1968 manata, türk lirəsi 0,4917 manata satılır.
2015-ci ildə dolların məzənnəsi 78 qəpikdən 1 manat 55 qəpiyə yüksəlib, 2016-cı ildə isə 1 manat 77 qəpiyi ötüb. Mərkəzi Bankın hesabatına görə, ötən il ABŞ dolları 13,6 faiz bahalaşıb.
