İlin ilk sərəncamı: büdcə yola çıxdı
Prezident İlham Əliyev 2017-ci ilin ilk sərəncamını imzalayıb. Sərəncam 10 yaşayış məntəqəsini birləşdirən Qarasu-Abdulabad-Talış-Meyniman-Muğan avtomobil yolunun tikintisinin başa çatdırılması üçün 2017-ci ilin dövlət büdcəsinin investisiya xərclərindən “Azəravtoyol” Açıq Səhmdar Cəmiyyətinə 14 milyon manat ayrılmasını nəzərdə tutur.
Novator.az bildirir ki, bu ilin büdcəsinin gəlirləri 16 milyard 255 milyon manat, xərcləri 16 milyard 900 milyon manat təsdiqlənib. Büdcənin tətbiqinə dair fərmana əsasən, investisiya xərcləri 2 milyard 501 milyon manat həcmində olacaq.
