Silahlı Qüvvələr Fondunun vəsaiti açıqlanıb
Müdafiə Nazirliyi Silahlı Qüvvələrə Yardım Fonduna daxil olan vəsaitin həcmini açıqlayıb. Rəsmi məlumata əsasən, 1 yanvar 2017-ci ilədək fonda 79 milyon 212,5 min manat, 212,4 min ABŞ dolları, 6 minə yaxın avro və 5 min rubl yığılıb.
Novator.az bildirir ki, ötən ilin 1 dekabr hesabatına görə, fondda 78,1 milyon manat, 212,3 min ABŞ dolları, 5,6 min avro və 5 min rubl vardı.
Silahlı Qüvvələrə Yardım Fondu prezidentin 17 avqust 2002-ci il fərmanı ilə yaradılıb. Fondun maliyyə mənbəyi Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.
