İnsan alveri qurbanlarına nə yardım edilib?
İnsan Alveri Qurbanlarına Yardım Mərkəzi ötən il 93 nəfərə yardım göstərib. Əmək və Əhalinin Sosial Müdafiəsi Nazirliyinin məlumatına görə, həmin şəxslərin 63 nəfəri Daxili İşlər Nazirliyinin İnsan Alverinə Qarşı Mübarizə Baş İdarəsi Mərkəzinin yönləndirdiyi insan alveri qurbanları, 30 nəfəri isə potensial insan alveri qurbanları (insan alveri təhlükəsi ilə üzləşmək riski olan şəxslər) olub.
Ümumilikdə 41 nəfərə hüquqi, 46 nəfərə psixoloji, 22 nəfərə tibbi yardım göstərilib, 15 nəfərin yeni peşələrə yiyələnərək əmək bazarına çıxış imkanları əldə etmələri, 33 nəfərin münasib iş yerləri ilə təmin olunmaları üçün Dövlət Məşğulluq Xidməti ilə birgə iş aparılıb.
