Güzəştli kredit hesabatı və planlar
Sahibkarlığa Kömək Milli Fondu (SKMF) 2017-ci ildə iş adamlarına minimum 150 milyon manata qədər güzəştli kredit ayırmağı planlaşdırır. Hesabata görə, ötən il 2500-ə yaxın sahibkarlıq subyektinin investisiya layihəsinin maliyyələşdirilməsinə 190 milyon manat güzəştli kredit verilib. Bu kreditlər hesabına maliyyələşdirilən layihələrin reallaşdırılması 8100-dən çox yeni iş yerinin açılmasına imkan yaradır.
Güzəştli kreditlərin 74 faizi regionların, 26 faizi isə Bakı şəhəri və onun qəsəbələrinin payına düşür. Verilən kreditlərin 82,3 faizi aqrar sektorun, 17,7 faizi sənaye və digər sahələrin inkişafına yönəldilib.
AZƏRTAC bildirir ki, SKMF-nin fəaliyyəti dövründə ölkə üzrə sahibkarlıq subyektlərinin dövlətin güzəştli kreditləri ilə təmin olunmasına 2 milyard manat vəsait xərclənib.
