114 valyuta hərracında 4,9 milyard ABŞ dolları satılıb
Mərkəzi Bank 2016-cı ildə 114 valyuta hərracı keçirib. Novator.az-ın məlumatına görə, hesabatda qeyd olunur ki, hərraclarda Dövlət Neft Fondu 4,9 milyard ABŞ dolları satıb, bu da 2015-ci illə müqayisədə 37,5 faiz azdır: “Fondun dövlət büdcəsinə transfertlərinin pik ili olan 2013-cü illə müqayisədə valyuta satışları 3 dəfə azalıb”.
Mərkəzi Bank bildirir ki, 2015-ci ilin sonuna 1 ABŞ dollarının manata qarşı məzənnəsi 1,5594 manat səviyyəsində olub, mart ayının əvvəlində 1,6456 manata qalxıb, mayın sonunda isə il üzrə minimum həddə 1,49 manata enib: “İyun-avqust aylarında bahalaşan ABŞ dolları sentyabr ayında ucuzlaşmağa başlayıb, oktyabrın sonundan isə yenidən bahalaşma meyli yaranıb”.
Hesabata görə, ilin əvvəlindən manata nəzərən ABŞ dolları 13,6 faiz bahalaşıb: “Dövr üzrə 1 ABŞ dollarının manata qarşı orta günlük məzənnəsi isə 1,5965 manat təşkil edib”.
