Dövlət komissiyası əsgərin meyitinin alınması üçün tədbirlər görür
Dekabrın 29-da Azərbaycanın dövlət sərhədini pozmağa cəhd göstərən Ermənistan Silahlı Qüvvələrinin kəşfiyyat qrupunun təxribat-pozuculuq fəaliyyətinin qarşısını alarkən şəhid olmuş Azərbaycan Silahlı Qüvvələrinin əsgəri Qurbanov Çingiz Salman oğlunun meyitinin qarşı tərəfdən alınması üçün aidiyyəti beynəlxalq təşkilatlarla birlikdə müvafiq tədbirlər görülür. Məlumatı dekabrın 30-da Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyası yayıb.
Komissiya bildirir ki, baş vermiş hadisə zamanı Ermənistan beynəlxalq humanitar hüquq normalarına hörmətsizlik nümayiş etdirdiyini bir daha əyani şəkildə göstərib, döyüşdə həlak olmuş Azərbaycan hərbçisinin meyitinin fotolarını bu ölkəyə məxsus KİV-lərdə və sosial şəbəkələrdə yayıb, Azərbaycan xalqının və həlak olmuş əsgərin ünvanına təhqiramiz ifadələr işlədib: “Bu hərəkətləri ilə Ermənistan baş vermiş hadisədən yenidən öz çirkin niyyətləri üçün yararlanmağa cəhd edib, qeyri-humanist simasını aşkar ifadə edib. Bu addım Ermənistanın da qoşulduğu 12 avqust 1949-cu il Cenevrə konvensiyalarının tələblərinin kobud şəkildə pozulmasıdır. Beynəlxalq hüquqa zidd olan bu hərəkətlərə görə bütün məsuliyyət Ermənistan hakimiyyətinin üzərinə düşür”.
Cəbhədə yeni gərginlik: rəsmi məlumatlar
Azərbaycanın Xarici İşlər Nazirliyinin cəbhədəki vəziyyətlə əlaqədar bəyanatı
