Neftin 29 dekabr qiymətləri
AZƏRTAC-ın 29 dekabr məlumatına görə, dünya birjalarında neft bahalaşıb. Nyu-York birjasında “Layt” markalı neftin bir barreli 54,06 dollara, London birjasında “Brent” markalı neftin bir barreli 56,22 dollara satılır. “AzəriLayt” markalı neftin bir barreli isə 1,69 dollar bahalaşaraq 57,11 dollara qalxıb.
Novator.az xatırladır ki, 2016-cı ilin dövlət büdcəsində xam neftin satış qiyməti bir barrel üçün 25 ABŞ dolları götürülüb. 2017-ci ilin büdcəsində isə neftin qiyməti 40 dollar hesablanıb.
İri neft ölkələrini birləşdirən OPEK noyabrın 30-da hasilatı gündəlik 1,2 milyon barrel azaltmaq qərarı qəbul edib. Dekabrın 10-da isə qeyri-OPEK ölkələri gündəlik hasilatı ümumilikdə 558 min barrel azaltmaq barədə razılığa gəliblər. Azərbaycan gündəlik hasilatı 35 min barrel azaltmağa razı olub. Qərarlar gələn il yanvarın 1-dən qüvvəyə minəcək.
