Cəbhədə yeni gərginlik: rəsmi məlumatlar
Dekabrın 29-da Müdafiə Nazirliyi rəsmi məlumat yayıb. Qeyd olunur ki, həmin gün səhər Ermənistan Silahlı Qüvvələrinin kəşfiyyat qrupu Azərbaycan-Ermənistan dövlət sərhədini pozmağa cəhd göstərərkən bölmələrin pusqusuna düşüb: “Döyüş toqquşması zamanı düşmən canlı qüvvə sarıdan xeyli itki verərək geri çəkilməyə məcbur edilib. Hadisə nəticəsində Azərbaycan Silahlı Qüvvələrinin hərbi qulluqçusu əsgər Qurbanov Çingiz Salman oğlu itkin düşüb. Onun tapılması istiqamətində müvafiq tədbirlər görülür”.
Novator.az-ın məlumatına görə, dekabrın 29-da Ermənistanın Müdafiə Nazirliyi də Azərbaycanla sərhəddə, Tavuş vilayətinin Çinari kəndi istiqamətində döyüşlərin getdiyi barədə rəsmi açıqlama yayıb. Qeyd olunur ki, Ermənistan Silahlı Qüvvələrinin baş leytenantı Şavarş Melikyan, əsgərlər Edqar Narayan və Erik Abovyan döyüşdə ölüblər.
